16 SEPT. 2021 — Biwo Resansman Etazini a lage jodi a Done Repatisyon Resansman 2020 an yo (Lwa Piblik 94-171) Fichye Rezime (an Anglè) bay eta (states) yo ak piblik la nan yon fòma ki pi fasil a itilize.
Done sa yo disponib koulye a sou data.census.gov. Yo idantik ak sa yo te pibliye nan dat 12 Out la sou sit Pwotokòl Transfè Fichye (FTP, selon sig anglè a) Biwo Resansman an ak nan divès vizyalizasyon done.
Epi tou Biwo Resansman an remèt bay eta (states) yo yon bwat zouti ak izaj fasil ki gen DVD ak kle USB ki gen yon lojisyèl navigasyon pou yo sèvi pou retrase fwontyè distri lejislatif palmantè ak eta (states) yo.
Sijè ki nan toulède fòma yo gen ladan yo chif yo jwenn nan konte popilasyon Resansman 2020 an selon done sou ras, Orijin ispanik, laj vòt ak inite lojman pou konte yo, kote, twonson resansman ak blòk.
“Nou kontan anpil pou nou bay done sa yo bay piblik la nan yon fòma ki pi fasil pou itilize,” se sa Direktè Biwo Resansman an Ron Jarmin deklare.
Itilizatè done yo kapap antre sou done repatisyon ki gen enfòmasyon demografik pou vil (cities) ak bouk yo san telechaje fichye Pwotokòl Transfè Fichye (FTP, selon sig anglè a) yo.
Konpozisyon nasyon an rete yon melanj gwo vil (cities) ak ti vil (cities). Se sèlman 4.1% (787) nan tout vil (cities) Etazini ki te gen yon popilasyon 50,000 moun ou plis an 2020. Yon lòt kote, pami 19,320 vil (cities) nan peyi Etazini ki te enkòpore alafwa an 2010 ak 2020, anviwon 75.5% (14,591) te gen mwens pase 5,000 moun nan jou 1ye Avril 2020 an.
An gwo, gwo vil (cities) ki gen popilasyon 50,000 moun ou plis an 2020 yo grandi ak yon vitès pi rapid nan Sid peyi a pase tout lòt rejyon. Depi Resansman 2010 la, popilasyon ki abite nan gwo vil (cities) nan Sid peyi a ogmante pa 12.3%. Kòm konparezon, popilasyon ki abite nan gwo vil (cities) nan Lwès peyi a grandi pa 10.4%, tandiske sa ki nan Nòdès ak Santral Wès yo ogmante pa 6.8% ak 4.8%, respektivman.
An mwayèn, popilasyon ki abite nan ti vil (cities) yo — sa ki gen mwens pase 5,000 moun an 2020 yo — te gen yon kwasans ralanti oubyen negatif apati 2010 pou rive 2020:
Vil (cities) ki te enkòpore an 2010 ak 2020 yo ki gen yon popilasyon 2020 ki te 50,000 moun ou plis te gen 129.2 milyon moun sou total 331.4 milyon ki nan peyi a. Pami tout moun ki abite nan kote ki enkòpore yo, 62.2% abite nan gwo vil (cities) yo.
Sa se premye piblikasyon done Resansman 2020 an ki disponib sou platfòm distribisyon done Biwo Resansman an, data.census.gov (an Anglè). Sit la pèmèt itilizatè yo chèche zòn jewografik yo jouk nan nivo blòk katye yo epi jwenn aksè ak done yo atravè tablo, kat ak telechajman. Itilizatè done yo ka jwenn aksè tou ak yon lokalite, tankou yon eta (states), konte oswa yon kote, nan yo pwofil jewografik ki gen vizyalizasyon ak enfografi ki bay yon apèsi sou yon zòn byen presi.
Karakteristik data.census.gov gen pami yo:
W ap jwenn videyo enstriksyon sou kòman pou jwenn aksè ak done repatisyon Resansman 2020 yo sou paj resous data.census.gov (an Anglè) epi yo gen videyo sou kòman pou w jwenn chif popilasyon yo konte yo, blòk resansman, trasman kat jewografik yo, pèsonalize imaj tablo a, epi konpare done resansman 2020 ak 2010 yo. Gen lòt videyo enstriksyon ak dokiman sou aksè ak done yo sou data.census.gov, tankou yon seminè an liy ki pwograme pou 21 Sept. (an Anglè), sou Akademi Resansman (an Anglè).
Gen lòt enfòmasyon sou Pwogram Done Repatisyon yo, tankou vizyalizasyon done pou nasyon an, eta (states), konte ak zòn estatistik metwopoliten/mikwopoliten nan Dokiman Laprès sou Fichye Repatisyon Resansman 2020 an yo (an Anglè). Gen plis enfòmasyon sou pwogram done repatisyon yo tou sou sitwèb Lwa Piblik Resansman 2020 (P.L., selon sig anglè a) 94-171 Fichye Rezime Done Repatisyon yo (an Anglè).
###