SET. 16, 2021 — Ngayong araw, naglabas ang Kawanihan ng Senso ng U.S. ng updated na Planning Crosswalk sa Produkto ng Data ng 2020 Senso (Crosswalk) (Sa Ingles lamang). Kasama sa Crosswalk ang mga talahanayan ng Buod na File ng Data sa Muling Pag-distrito ng 2020 Senso (Pampublikong Batas 94-171) at mga panukalang talahanayan ng data para sa Demograpikong Profile ng 2020 Senso, File ng Mga Katangian ng Demograpiko at Pabahay (DHC, ayon sa akronimang Ingles), at Detalyadong File ng Mga Katangian ng Demograpiko at Pabahay (Detailed DHC, ayon sa akronimang Ingles).

Kasama sa Crosswalk ang:

• Isang panukalang listahan ng mga talahanayan para sa 2020 Senso, kumpara sa nakalathalang listahan ng mga talahanayan mula sa 2010 Senso,
• Ang mga panukalang pinakamabababang antas ng heograpiya,
• Mga panukalang table shell, at
• Mga pagbabago sa nilalaman ng DHC mula sa 2010 Senso.

Ibinibigay rin nito sa mga gumagamit ng data ang oportunidad na makita ang listahan ng mga panukalang talahanayan sa Detailed DHC at table shell sa unang pagkakataon. 

Hinihikayat ang mga gumagamit ng data na magpadala ng feedback tungkol sa mga nakaplanong produkto ng data na ito sa 2020DAS@census.gov hanggang Okt. 22. May higit pang impormasyon sa newsletter ng Mga Produkto ng Data ng 2020 Senso (Sa Ingles lamang). Magdaraos ng webinar (Sa Ingles lamang) sa Set. 30 nang 3 p.m. (ET) (Sa Ingles lamang) para suriin ang Crosswalk at ang mga panukalang pagbabago. Magiging available ang mga detalye sa pag-log in (Sa Ingles lamang) sa ibang petsa.

###